Eztakit
Eztakit zergatik jartzen naizen idaztera
nire poema baten garrantzia baita hutsaren berbera
Ez dut inor tronpatu nahi nire hitz hauekin
alkoholetik ihes egiten dut
poeta gehienek nahi izan ez duten bezala
lotsak jota ez dut idazteko adorerik
zeren zer erakutsi dezaket nik?
Bizitzara etortzen garela zeregin zehatz barik
bizitzaren mirabe
gure izaiteetaz zer egin jakin gabe
Eta halere saitzen gera
gure existentziei emateko zentzu bat
pauso bat, muxuak ala maitasuna
erraiteko antzeko zerbait.
Eta halere, bai, berriz halere, hemen gaude
zerbait ikasteko alde
zerbait erakutsiko diguna ez girela debalde
baditugula giza-borrokaren ipar eta ekialde
hilko garenaren segurtasuna barne.
Eta hiltzeak ere zer inporta du
denok baikara noria horretan itzulika
saiatzearen indarrez, edo, haztarrika
iluntasun honetan argia eginka, haginka
Barka nazaten jende optimistek
bizitza borroka-bide bat dela sinisten ez duten gizagaixo hoiek
adibide bat eskatzen diet erakusteko
bizia ez dela minutu bakotxa borrokatzeko
sortu gintuen izarren hautsa bideratzeko
Zure poema asko gustatu zait. batzuetan denak galduta gaude, bizitzaren sentidua bilatzen...
ResponderEliminar